Shaqo ka helida Nederlaan

Waddan kasta, codsashada shaqo waxay u shaqeysaa qaabab kala duwan. Gudaha Nederlaan, way fiican tahay in la muujiyo waxa aad ku fiican tahay iyo sida aad ugu haboontahay shaqadaan. Waa arin aan habbooneyn in la waydiiyo waxa aad heleyso bilawga waraysiga; waa in aad sidaan sameyso wareysiga kadib. Weydii shaqaaleysiiyaha su'aalo inta lagu guda jiro imtixaanka wareysiga si aad u muujiso inaad daneyneyso oo aad wax ka akhrisay shirkadda. Shaqooyinka qaarkood waxaa laga yaabaa inay u baahdaan inaad sameyso tijaabo si caqliyeysan ah ama shakhsiyadda ah.

Inta adan codsan ka hor, wax ka ogaw booska bannaan:

• Waa maxay shuruudaha oo ma buuxin kartaa?
• Meqa saacadood iyo goorta aad u baahan tahay inaad diyaar noqoto oo tani miyay ku habboon tahay firaaqo ahaanshahaaga?
• Waa maxay takhasuska shaqo iyo xirfadaha loo baahan yahay, oo tani miyay la mid tahay xirfadahaaga?
• Ma jirtaa waxbarasho ugu yar oo loo baahan yahay? Xirfadaha qaarkood ee la ilaaliyo (sida dhakhtarka) waxbarashada ajaanibta mar walba kuma filna. Xirfadaha kale, waxbarasho ajaanibta oo la mid ah ayaa ku filnaan karta
• Waa shirkad noocee ah, oo miyey kugu habboon tahay?

Hadii lagugu waco imtixaanka waraysiga koowaad, iska xaqiiji inaad samaysay aragtida hore oo wanaagsan oo si fiican isu diyaari:

• Waqtiga ilaali
• Dabeecadaada ilaali oo furfurnaw
• Gacmaha si aad ah isugu salaama markad soo galeyso oo midkiin midka kale indhaha haka fiiriyo
• Dami taleefankaada
• So muraajecee su'aalaha imtixaanka wareysiga shaqada
• Xaqiiji in aad wax un ka sheegi karto qeyb kasta ee kamid ah CVgaaga
• Raadi macluumaad kusaabsan shirkada aad shaqada ka codsaneyso

Su'aalaha qaar ee in inta badan la isku waydiyo imtixaanka wareysiga shaqada:

• Ma inooga sheegi kartaa wax yar oo kusaabsan nafsadaada?
• Maxaad u rabtaa in aad u shaqeyso shirkadaan?
• Muxuu kuugu haboon yahay booskan?
• Horaan maxaad qaban jirtay?
• Maxaad ku fiican tahay? Maxaad se aadan ku fiicneyn?
• Ma jirtaa wax su'aal ah oo aad qabto oo kusaabsan shirkada? (Inta badan udiyaarso su'aalo aad weydiiso shaqaaleysiyahaaga)

Sida wadan kasta, Nederlaan waxay leedahay dhaqamo gaar ah iyo (aan laqorin) shuruuc goobaha shaqada kajira. Halkaan waxaa kuyaala soo koobida qeybaha ugu muhiimsan.

Shaqada toddobaadka
Waxaad kula heshineysaa shaqaleysiyahaaga waxa shaqadaada toddobaadkaay tahay. Shirkadaha qaar, maalmaha shaqada waa Isniin ilaa Jimco, lakiin xirfadlayaal gaar ah (sida, daryeelka ama caafimaadka) Sabtida iyo Axadda waxay sidoo kale noqon karaan maalmo shaqo. Shaqada toddobaadka oo dhameystiran waa 36 - 40 saacadood isbuuci, taas oo ku xiran qaybta. Shaqada toddobaadka kama badnaan karto in kabadan 60 saacadood isbuuci iyo in ka badan 5 isbuuc ma shaqayn kartid wax ka badan 55 saacadood toddobaadkii celcelis ahaan

Saacadaha shaqada
Waxaad kula heshiineysaa shaqaaleysiyahaaga sacadaha aad shaqayneyso waxa ay yihiin. Sharci ahaan, shaqada halka gelin ah waxay gaari kartaa ilaa 12 saacadood. Sharciyo kala duwan ayaa khuseeya dadka ka yar 18 sano iyo haweenka uurka leh

Fasaxyada
Markaad shaqaynayso in ka badan 5.5 saacadood, waxaad xaq u leedahay ugu yaraan 30 daqiiqo oo fasax ah (tani waxay sidoo kale noqon kartaa laba 15 daqiiqo). Markaad shaqeyneyso in ka badan 10 saacadood, waxaad xaq u leedahay ugu yaraan 45 daqiiqo oo fasax ah (tani waxay sidoo kale noqon kartaa dhowr fasax oo gaagaaban). Mararka qaar, CAO heshiisku wuxuu kuu oggolaanayaa inaad xaq u leedahay fasaxyo badan. Fasaxa waa in uusan ku bilaaban ama uusan ku dhammaan malinta shaqada.

Nasashada
Kadib malinka shaqo, laguma ogolo in aad shaqeyso ugu yaraan 11 saacadood. Waqtiga nasashada ee ahaa 11 saacadood ayaa loosoo yareyn karaao 8 saacadood hal mar 7dii maalmoodba, laakiin waa hadii ay taasi lagama maarmaan u tahay shaqada. Sharci ahaan, waxaad xaq u leedahay 36 saacadood oo isku xigxiga oo nasasho ah waqti 7 maalmood ah. Waxay tani sidoo kale lagu ballaarin karaa 14 maalmood, taas oo ay tahay inaad ku nasato 72 saacadood oo aan ka badnayn 2 maalmood. Haddii xirfadaada shaqada ay leedahay CAO, shuruuc kale ayaa ku khuseyn kara.

Waxaa dheer shuruucdaan, waxaa sidoo kale jira tiro astaamo ah oo ku jira dabeecadaha dhaqanka (ganacsiga) Nederlaan:

• Waxyaabaha aan rasmiga ahayn: xariirka asxaabtaada inta badan wa wax an rasmi ahayn oo nasashada waxaa la iskula qaataa si wadajir ah. Kalasareynta kama turjumeyso masuliyad sidaas u wayn, qof walbo waa loo ogolyahay in uu la wadaago taladiisa iyo fikirkiisa
• Waxyaabaha tooska ah: Ree Nederlaan waa dad daacad ah hadana toosan, tusaale ahaan bixinta jawaab celin, inta badan sababo hufnaan awgood. Tani mararka qaarkood waxay u muuqan kartaa dareen la'aan, laakiin looguma talagelin inay noqoto
• Jawaab celinta: Ree Nederlaan ayaa isticmaalo in ay bixiyan oo ayna helaan jawab celin. Shaqaaleysiiyaha iyo shaqaalaha sidoo kale waxay bixiyaan jawaab celin, tusaale ahaan inta lagu guda jiro qiimaynta waxqabadka. Kadib waxa aad ka wada hadli kartaan waxa fiican iyo waxa ka fiicnaan kara, taasna run baad ka sheegi kartaa
• Tala wadaaga: Dadka ree Nederlaan waxay jecelyihin in ay wadagaan talooyinkooda ama hala waydiyo ama yaan la waydiin
• Heshiisyada: Ree Nederlaan waxay u arkaan inay muhiim tahay inay heshiis la galaan midba midka kale
• Hoos isudhigidda: guud ahaan, ree Nederlaan ma buunbuuniyaan waxbadan oo kusaabsan guulahooda
• Hindisaha: Ree Nederlaan waa jecel yihiin markaad latimaado hindiso kaasoo dabacsan, tusaale ahaan keenista fikradaha ama balan qabsashada
• Qorshaha: Ree Nederlaan guud ahaan waxay ballamo u samaystaan ​​waxyaalo badan ka hor intii ay si kedis ah wax u qaban lahaayeen
• Furfurnaanshaha: dhaqanka Nederlaan wuxuu leeyahay dhawr waxyaabood oo mamnuuc ah, kudhawaad waxwalbo waxay u furan yihiin in laga hadlo
• Xoriyada: dadku waxay xor u yihiin inay doortaan, tusaale ahaan, cidda ay u galmoonayaan, diinta ama xariirka siyaasadeed

Waxaad xirfadaha u qaybin kartaa ilaa afar qeeybood:

• Xirfado baraatiko ah oo cilmi la'aan ah, sida shaqaalaha caafimadka, darawalka adeeg geeyaha iyo caawiyaha nadaafada
• Xirfado baraatiko ah oo cilmi la socdo, sida makaaniknimada, maamulida iyo caawinta kalkaaliyaha. Xirfadahan inta badan waxay ubaahyihin waxbarasho sare (Middelbaar Beroeps Onderwijs - MBO) ilaa heer dhiblooma
• Xirfadaha baratikoolada ee heerkooda sareeyo, side caawiyaha HR ka, macalinka iskulka dhaxe iyo xisaabiyaha. Tani waxay badanaa u baahan tahay waxbarasho heer shahaado sare oo xirfadeed (Hoger Beroeps Onderwijs - HBO). Xirfadahaan inta badan waa kuwo baraatiko ah, halkaas oo aqoonta aragtida sidoo kale looga baahan yahay
• Xirfadaha (aqoonta aragti ahaaneed) takhasuska, sida cilmi baaraha, falanqeeyaha iyo injineerka. Tani inta badan waxay ubahan tahay shahaado sare oo dhanka waxbarashada seyniska ah(Wetenschappelijk Onderwijs - WO) or HBO.

Gudaha Nederlaan, mararka qaarkood waxaa suurtagal ah in loo gudbo xirfadaha qaarkood iyadoo lagu saleynayo takhasus shaqo. Intaas waxaa dheer, waxaa macquul gal ah inaad raacdo barnaamijyada dib u tababaridda taasoo kuu oggolaaneyso in aad barato xirfado (cusub) oo ku haboon khibradaada.

Hadii ad haysato shahaadada dhigriiga oo dhanka dibadaha ah, waa lagu qiimayn karaa si aad u ogaato heerka Nederlaan ay shahaado ahaan u dhiganto. Shaqaleysiiyaha kadib wuxuu qiimeyn karaa aqoontaada iyo xirfadahaaga. Bogga Nuffic (https://www.nuffic.nl/onderwerpen/diploma) waxaad ka ogaan kartaa qiimaha uu shahaadaada dhigriiga ka leedahay Nederlaan. Hadii aad haysato oggolaansho deggenaansho, waxaad ka codsan kartaa qiimaynta dhibloomada rasmiga ah boggan.

Muhiimad intee la eg ayay leedahay in la barto luuqada Nederlaan?
Luuqadaha aad ku hadasho kuwee ugu muhiimsan dhanka fursadaha shaqadada. Waxay ku xirantahay xirfadaada muhiimada ay leedahay in lagu hadlo luuqada Nederlaan. Tusaale ahaan, xirfadaha kuwaas oo aad lahadleyso macaamiil badan, Luuqada Nederlaan waa muhiim. Shaqooyinka baraatikaalka ah qaarkood sida nadiifinta, tani inta badan sidaas muhiim uma ahan.

Hadii aadan sifican ugu hadli karin luuqada Nederlaan, Af-Ingiris ayaa soo xigsan doona. Inta badan dadka Nederlaan Af-Ingiris fiican bey ku hadlaan.

Waxaa jiro arrimo badan oo aad sameyn karto hadii aadan sifican ubaranin luuqada Nederlaan:

• Isdiyaarin: wada shekeysi fiican diyaarso. Sifican u aqri oo xifdi erayada qaar ee muhiimka ah
• Tiknoolajiyada: si fiican u isticmaal oo gacanta ku hayso ablikeeshinada luuqadaha iyo webseedyada(sida Google Translate) tusaale ahaan)
• Dhaqdhaqaaga jirka: isticmaal dhaqdhaqaaqa jirka, luuqada jirka iyo baaqa wajiga
• Dulqaad: dulqaad isku sameeya oo qofkiin qofka kale waqti ha siiyo
• Ku celceli: hubi in aad ku celceliso luuqada Nederlaan inta ugu badan ee suuragalka ah. Mararka qaar way adkaan kartaa sababtoo ah dad badan oo ree Nederlaan ah ayaa waxay u badashaan luuqada Af-Ingiriis haddii ay ogaadaan in kuhadalkaada luuqada Nederlaan aysan awood sidaas ah lahayn wali. Si wanaagsan ayaa tani loogu tala galay, laakiin waxaad tilmaami kartaa inaad doorbidi lahayd inaad luuqadaada Nederlaan isticmaasho

Waxaad ugu celcelin kartaa luuqada Nederlaan siyaabo kala duduwan, Tusaale ahaan:

• Koorsooyinka luuqada
• Tababarayaasha luuqada ama saaxiibadaada luuqada
• Shaqooyinka iskaa wax u qabsada ah
• Lashekeysiga asxaabtaada, saxiibada, dariskaada ama waalidinta iskuulka
• Barnaamijyada Telefishanka luuqada Nederlaan ama buugaagta
• Ciyaaraha Nederlaan
• Safarada goobaha masxafyada, shaleemada, suuqa ama maktabadda
• Ablikeeshinada iyo webseedyada (sida Duolingo)

Sidee iskugu keeni karaa shaqadeyda iyo isdhexgalka?
Waxaa mararka qaar adag in aad shaqada aad ku lammaaniso jadwalkaaga isdhexgalka. Sidaas daraadeed, waxaa muhiim ah in aad kala hadasho shaqaaleysiiyahaaga balanta saldhigashadada marka aad bilaabeyso shaqada. Tilmaan maalmaha iyo saacadaha aadan shaqeyn karin. Sidoo kale tilmaan haddii uu jiro isbadal ballameed oo xili hore usoo sheeg shaqaaleysiiyahaaga isbadelladaan.